Sipas kërkimeve më të reja, për Evropjanët interneti për herë të parë i ka tejkaluar gazetat dhe revistat në kërkimin mbi çasjen në informacione.
Megjithatë televizioni ka mbetur medium dominant për shumicën e Evropjanëve, të cilët e kalojnë tre herë më shumë kohën duke shikuar TV se sa në internet, është ky rezultat i kërkimit të kompanisë JupiterResearch.
Mesatarisht Evropjanët katër orë në javë kalojnë në internet, derisa gazetat dhe revistat mesatarisht i lexojnë 3 orë në javë. Në vitin 2003, Evropjanët kanë kaluar vetëm 2 orë në javë në internet.
“Fakti që shfrytëzimi i internetit e ka tejkaluar leximin e mediumeve të shtypura sjellë kontributin shtesë në forcimin e internetit në botën e mediumeve evropiane.”- ka deklaruar nënkryetari i JupiterResearch, Mark Mulligan. “Ky ndryshim në mënyrë të konsiderueshme do të ndikojë në strategji të reja të mediumeve, si dhe në kompani të mëdha të cilat do të detyrohen që buxhetin e tyre ta përqëndrojnë në internet”.
Faktorët kryesor që kanë shkaktuar ngritjen e shfrytëzimit të internetit janë mosha e shfrytëzuesve dhe zona e gjerë e çasjes në internet, qëndron në raport.
Për shembull, Franca ka numrin më të madh të shfrytëzuesve të internetit në Evropë, si dhe orët më të shumta të kaluara në internet, derisa Gjermania është e fundit në të dyja këto kategori. Momentalisht në Gjermani shikueshmëria e televizionit është më e madhja në Evropë banorët e së cilës 14 orë në javë i kalojnë para ekraneve televizive.
